მიხეილ სააკაშვილის თქმით, მისთვის უკრაინის მოქალაქეობის ჩამორთმევას გაასაჩივრებს. ამის შესახებ მიხეილ სააკაშვილმა „უკრაინსკაია პრავდასთვის“ მიცემულ ინტერვიუში განაცხადა.
სააკაშვილი აცხადებს, რომ უკრაინაში ყველა შესასვლელ-გასასვლელი იცის.
„როგორც უკრაინის ხელისუფლება ფიქრობს, ისეთი კონტროლი არ არის. მე ყოფილი უკრაინელი მესაზღვრე ვარ და სხვადასხვა სამსახურების წარმომადგენლებთან კავშირი მაქვს. პოროშენკომ ეს არ უნდა დაივიწყოს. მე უკრაინაში ყველა შესასვლელი და გასასვლელი ვიცი“, – განაცხადა მიხეილ სააკაშვილმა.
კითხვაზე, რას გააკეთებს, თუკი უკრაინაში არ შეუშვებენ, სააკაშვილმა უპასუხა, რომ სატრანზიტო ზონაში იცხოვრებს.
„მე ვიცხოვრებ ბორისპოლის აეროპორტის სატრანზიტო ზონაში. ჩემი მეგობარი იქ დირექტორია და კარგი რემონტი გააკეთა. ეს რა თქმა უნდა ხუმრობაა, მაგრამ გამოსავალს მოვძებნი“, – დასძინა სააკაშვილმა.
ამასთან, ოდესის ყოფილი გუბერნატორი მისთვის უკრაინის მოქალაქეობის ჩამორთმევას ადმინისტრაციულ სასამართლოში გაასაჩივრებს.
„თუკი ადმინისტრაციულში არაფერი გამოვა, სტრასბურგში წავალთ“, – განაცხადა სააკაშვილმა.