ვაშინგტონი ერაყის ქურთისტანის დამოუკიდებლობის წინააღმდეგია

ამის შესახებ ამერიკის პრეზიდენტის სპეცწარმომადგენელმა „ისლამურ სახელმწიფოსთან“ ბრძოლის კოალიციაში ბრეტ მაკგერკმა განაცხადა, იუწყება უცხოური მედია.
„ჩვენ ყურადღებით ვადევნებთ თვალს რეფერენდუმს, რომელიც, ერაყის ქურთისტანის ხელისუფლების თქმით, 25 სექტემბერს უნდა გაიმართოს. ეს არის ის, რის წინააღმდეგაც პრინციპულად დგას ვაშინგტონი“, – განაცხადა მაკგენკმა ბრიფინგზე.
ერაყის ქურთისტანი – ერაყის ჩრდილოეთით მდებარე ავტონომიაა, რომლის სტატუსიც ქვეყნის 2005 წლის კონსტიტუციაშია გამყარებული. ქურთების ლიდერები არაერთხელ გამოსულან დამოუკიდებლობის გამოცხადების იდეით და ივნისში ოფიციალურად განაცხადეს, რომ ერაყისგან გამოყოფისა და დამოუკიდებლობის გამოცხადების საკითხს 25 სექტემბრის რეფერენდუმზე გაიტანენ.
მანამდე ერაყის ვიცე–პრეზიდენტმა ნური ალ–მალიკმა განაცხადა, რომ ქურთისტანი ვერ გახდება დამოუკიდებელი, თუნდაც რეფერენდუმის ჩატარების შემდეგ. ერყის მეზობლები – თურქეთი და ირანიც ქურთისტანის დამოუკიდებლობის საკითხზე რეფერენდუმის ჩატარების წაინააღმდეგ გამოდიან ად ქურთისტანის დამოუკიდებლობის არასასურველ შედეგებზე მიუთითებენ.