კახეთში, ართანაში, კოხტას მთაზე და თუშეთში, ხახაბოს ტყეში ხანძრის სალიკვიდაციო სამუშაოები დღეს დილიდან განახლდა.
აღნიშნულ ტერიტორიაზე მობილიზებულ ცოცხალ ძალას დღეს განსაკუთრებულ დავალებათა დეპარტამენტის 400 თანამშრომელი შეუერთდება, რომლებიც 10.00 საათისთვის ცეცხლის კერამდე მივლენ.
ქართულმა ვერტმფრენებმა მეხანძრეების გადაყვანა უკვე დაიწყეს ართანაში, სადაც შედარებითი რთული ვითარებაა.
კახეთის გუბერნატორის, ირაკლი ქადაგიშვილის ინფორმაციით, ამის შემდეგ, ქართული ვერტმფრენი ხახაბოს ტყეზე წყლის დასხმის პროცესს დაიწყებს.
თუშეთში 120 მაშველი და მოხალისეები მუშაობენ, ორი ირანული ვერტმფრენი კი ართანის ხანძრის ლოკალიზაციაში ჩაერთვება.
ქადაგიშვილის ინფორმაციით, ხანძარი ლოკალიზებულია შილდაში, თუმცა მონიტორინგის და სრული ლიკვიდაციის მიზნით, მაშველები იქაც იმუშავებენ.
კომენტარები