არანაირი დანაშაულის დრამატული ზრდა არ მომხდარა, – ასე უპასუხა შინაგან საქმეთა მინისტრის მოადგილე არჩილ თალაკვაძემ განცხადებებს იმის შესახებ, რომ დანაშაულის რაოდენობა იზრდება.
“კრიმინოგენულ ვითარებასთან დაკავშირებით ვერანაირ კრიზისს ვერ ვხედავთ. ყველა მნიშვნელოვანი დანაშაული, რომელსაც აქვს თუნდაც პრეცედენტული ძალა – არის დროულად გახსნილი. მძიმე დანაშაულების წინააღმდეგ პოლიცია ეფექტურად მუშაობს. ბოლო სამი წლის განმავლობაში დინამიკას თუ გადავხედავთ, არის დანაშაულის შემცირების ტენდენცია. გაზრდილია მხოლოდ კიბერდანაშაული, რაც კიბერუსაფრთხოების მსოფლიო ტენდენციებს და ელექტრონული სისტემების გაფართოებულ მოხმარებას უკავშირდება”, – განაცხადა თალაკვაძემ.
კომენტარები