დაპირისპირება “ნაციონალურ მოძრაობაში” – ბოიკოტი ის თემაა, რაზეც პარტიაში აზრთა სხვადასხვაობაა. გამონაკლისი ხატია დეკანოიძეა, რომელიც თვლის, რომ ბოიკოტის რეჟიმი შექმნილ ვითარებაში არაადეკვატურია.
რაც შეეხება ენმ-ის წევრ ხატია დეკანოიძეს, ის ამბობს, რომ ბოიკოტის რეჟიმში არ ყოფილა და თავიდანვე არ იზიარებდა ბოიკოტის იდეას.
“მე ბოიკოტში არ ვყოფილვარ, არ ვიზიარებდი ბოიკოტს თავიდანვე, ამიტომ ვფიქრობ, რომ ეს სხვა კოლეგებთან უნდა გადაამოწმოთ. ბოიკოტთან მაქვს განსხვავებული აზრი, ეს იყო ჩემი მოსაზრება ძალიან დიდი ხანი, ამიტომ ეს საჯაროდ არაერთხელ მითქვამს, და მე მგონი ამაში ძალიან თანმიმდევრული ვარ და რაც მჯერა იმას ვსაუბრობ. რაც შეეხება სხვა გადაწყვეტილებას, თუ რამე გადაწყვეტილებას მივიღებ ეს კომენტარის თემა არ იქნება, მე თვითონ შეგატყობინებთ,” – აცხადებს პარლამენტის ფრაქციის “ერთიანი ნაციონალური მოძრაობა – ძალა ერთობაშია” წევრი ხატია დეკანოიძე.