ჟურნალისტი და საინფორმაციო სააგენტო “ექსკლუზივ ნიუსის” დამფუძნებელი დარეჯან ლიპარტელიანი სოციალურ ქსელში პოსტს აქვეყნებს.
“რამდენიმე დღის წინ, ქალაქის მერმა კახა კალაძემ, მერიის ერთ-ერთი სამსახურის ხელმძღვანელი თანამდებობიდან გაათავისუფლა და მის ადგილზე, მასზედ ბევრად კარგი ადამიანი და პროფესიონალი დანიშნა… ახლადდანიშნულმა ხელმძღვანელმა, თუ მისი წინამორბედის გუნდი და ის უსაზიზღრესი კადრები, ბოროტებითა და ნეგატივით, რომ აქვთ ტვინი დაძეძგილი, სასწრაფოდ არ განარიდა ქალაქის მერიას… წინააღმდეგ შემთხვევაში, ისევ იგივე, საბოტაჟური რიტმით იმუშავებს ქალაქის მერიის, თითქმის ყველა სამსახური, როგორც აქამდე მუშაობდა და აღმშენებლობის პროცესები, კვლავ გაჩერდება…შედეგად კი მოხდება ის, რომ ისევ და კვლავ მოიმატებს, უკმაყოფილო ადამიანთა რიცხვი ამ ხელისუფლების მიმართ…
მე პირადად, არცერთი ჩინოვნიკისთვის არ დავიწყებ გოდებას, არიქა, რატომ გადააყენესთქო.. ვისაც ეკუთვნის თანამდებობიდან გათავისუფლება, დიახაც უნდა გადადგეს და წავიდეს… სადაც უნდა იქ წავიდეს, არ მაინტერესებს, თუ უნდა, ცხრამთას იქეთ წავიდეს, მაგაზე მე არ ვიდარდო)… უბრალოდ, არავის სკამს მე არ მივსტირი, ვიცი, მშიერი არავინ მოკვდება და ისიც ვიცით, რომ ყველამ კარგად იბალახა ჩვენს კისერზე… ასე რომ, არავის ვალი მე და ჩვენს ხალხს, არ გვაქვს და პირიქით, ყველა ჩინოვნიკს ჩემი ვალი აქვს და თუ ცხოვრობენ კარგად, ისევ ჩვენს ხარჯზე და ხალხის კისერზე ჯდომით ცხოვრობენ კარგად, ესაა სინამდვილე, რეალობა და სიმართლე… მე კიდევ, გულზე ხელებს არასდროს დავიკრეფ და რაც სიმართლეა, იმას დავწერ მუდამ… მოკლედ, ის ვიცი კარგად, რომ მე თუ შრომაში არ ჩავკვდი, არავინ არაფერს არ გამიკეთებს და იმიტომ არ ვშრომობ, რომ ჩემი და ხალხის ნაშრომი, ქვეყნის საქმის გამფუჭებლებმა და “ბეღელის” მღრნელებმა მიითვისონ.. კი უნდა გადააყენოს მთავრობამ ხაზინის ქურდები, მაგრამ ისე კი არა, ნაქურდალი ხახვივით იმიტომ შერჩეთ, რომ თქვენს ბინძურ ცხოვრებაზე ჩანაწერები არსებობს და გაშანტაჟებენ, არამედ წესი უნდა დაინერგოს ამ ქვეყანაში; – მოიპარავს მინისტრი ბიუჯეტის ფულს? უნდა გადააყენოს მთავრობამ, დააბრუნებიოს მან მოპარული თანხა და ციხის კედლებიც ხეხოს….
ისე, მართლა რამდენი ვიდარდე, ყოფილ ინფრასტრუქტურის მინისტრ ალავიძესა და ფინანსთა მინისტრ ქუმსიშვილზე…. პროკურატურაში რომ იბარებდნენ დაკითხვაზე… პროკურატურა კი არა, სამიკიტნო გახდა მგონი… ან რას იბარებთ ამ ხალხს, თუ არაფერი დაუშავებიათ და თუკი დააშავეს და მოიპარეს ბიუჯეტის ფული, მაშინ ამოკარით ორივეს პანჩური ერთ ადგილას და თავი უკარით ციხეში… ასევე, თუ მაგრები ხართ, მაგ ორი ყაძახის ოფიციალურ რეკომენდატორს, ყოფილ პრემიერს, იმ რაფინირებულ თაღლითსაც უნდა მოეთხოვოს პასუხი, რატომ უპროტექტორა და დანიშნა მინისტრებად ეს ქურდები?…..მიხვდით ალბათ, არაა ძნელი მისახვედრი, გიორგი კვირიკაშვილს ვგულისხმობ!…
ერთი სიტყვით, ჩვენი საშველი არასდროს არ იქნება რაა…. ყველა როგორ ძარცვავს და პარსავს, ამ ჩემს ლამაზ და მშვენიერ ქვეყანას?!…”-წერს ლიპარტელიანი.