ნაძალადევის რაიონში ახალი გაზსადენის მშენებლობა და ძველი მილების და მრიცხველების გამოცვლა დაიწყო. დაგეგმილია 23 000 მეტრიანი ცენტრალური გაზსადენის რეაბილიტაცია და 8 500 აბონენტის მრიცხველის მონტაჟი.
სამუშაოებს კომპანია „ყაზტრანსგაზთბილისი” აწარმოებს. პროექტის ღირებულება დაახლოებით 2 500 000 ლარია. მშენებლობა დეკემბრის ბოლოს დასრულდება.
ნაძალადევის რაიონში გაზსადენი გასული საუკუნის 60-იან წლებში აშენდა და მას შემდეგ რეაბილიტაცია არ ჩატარებულა.
კომენტარები