“სამწუხაროდ, ქვეყანაში არსებობს ადამიანთა ჯგუფი, რომელთათვისაც, ბედნიერების მიზეზს გარდაცვლილი ადამიანი წარმოადგენს და არა გამოჯანმრთელებულები”

„ევროპულმა საქართველომ” დღეს მორიგი მარგალიტი შემოგვთავაზა და მთავრობას მოუწოდა, რომ 8 მაისიდან ყველა ეკონომიკური საქმიანობა დასაშვებად ცნოს, ასევე გააუქმოს გადაადგილების შეზღუდვა”, – ამის შესახებ „დემოკრატიული ცვლილებების ცენტრის” ხელმძღვანელი დავით ჩიხელიძე აცხადებს.
​მისი თქმით, ოპოზიციამ დაინახა, რომ ხელისუფლება არათუ ქვეყნის არამედ, ზოგადად მსოფლიოს წინაშე არსებულ გამოწვევას თავს ღირსეულად ართმევს.
„პანდემიის გამო, ქართული პოლიტიკური სივრცის ერთგვარი გაფილტვრა მოხდა, ყველა მოთამაშემ საკუთარი ნამდვილი სახე აჩვენა, მთავრობამ დაგვანახა, რომ ასრულებს მასზე კონსტიტუციით დაკისრებულ მოვალეობას და ზრუნავს ხალხზე, ზრუნავს სახელმწიფოებრიობაზე და ყველაფერს აკეთებს, რომ ქვეყანა კრიზისული მდგომარეობიდან ნაკლები დანაკარგით და უმტკივნეულოდ გამოვიდეს, ხოლო ოპოზიციამ გვაჩვენა, რომ მათთვის მთავარი არა ქვეყნის, არამედ პირადი კეთილდღეობა დგას, (წარსული გამოცდილება გვაჩვენებს, რომ დღევანდელი ოპოზიციისთვის, რომელიც ჩვენდა სამარცხვინოდ ერთ დროს მმართველ ძალად იწოდებოდა, ქვეყნის ინტერესი არათუ მეორე ადგილზე, არამედ ათეულს მიღმა იყო, პირველ ადგილზე კი ყოველთვის მერკანტილური მიზნები და პირადი ამბიციები იყო). ოპოზიციამ დაინახა, რომ ხელისუფლება არათუ ქვეყნის არამედ, ზოგადად მსოფლიოს წინაშე არსებულ გამოწვევას თავს ღირსეულად ართმევს (ეს არ გახლავთ პირადი მოსაზრება, აღნიშნულს არაერთი ქვეყანა, მსოფლიოს წამყვანი გამოცემა და მეცნიერი ადასტურებს) ასეთი რეალობის მიღება კი ოპოზიციისთვის მიუღებელია, სწორედ ამიტომ მათი განცხადებები რბილად რომ ვთქვათ, ვერანაირ კრიტიკას ვერ უძლებს, “ევროპულმა საქართველომ” დღეს მორიგი მარგალიტი შემოგვთავაზა და მთავრობას მოუწოდა, რომ 8 მაისიდან ყველა ეკონომიკური საქმიანობა დასაშვებად ცნოს, ასევე გააუქმოს გადაადგილების შეზღუდვა, რადგან როგორც ისინი აცხადებენ, მსოფლიოს ბევრ ქვეყანაში რეგულაციები მოიხსნა”, – აცხადებს ჩიხელიძე.
მისივე თქმით, არათუ რეგულაციების გაუქმება, არამედ რეგულაციების შემსუბუქებაც კი რისკის შემცველია.
„მათ მინიმუმ ორი რამის თქმა დაავიწყდათ: პირველი: ევროპის არცერთ ქვეყანაში არ მომხდარა რეგულაციების გაუქმება, არამედ მოხდა და მიმდინარეობს რეგულაციების ეტაპობრივი შემსუბუქება, ისევე როგორც ჩვენს ქვეყანაში. მეორე: არათუ რეგულაციების გაუქმება, არამედ რეგულაციების შემსუბუქებაც კი რისკის შემცველია, აღნიშნულის ნათელ მაგალითს გერმანია წარმოადგენს (რომელიც კორონავირუსს საქართველოს მსგავსად წარმატებით უმკლავდება). გერმანიაში რეგულაციების შემსუბუქების პარალელურად, ინფიცირებულთა რაოდენობის ზრდა დაიყო. შევახსენებ „ევროპულ საქართველოს”, წარსულის გამოცდილებით ნათელია, რომ ხალხზე ზრუნვა თქვენი მოწოდება არ არის, არ გეხერხებათ, სამაგიეროდ ხელის შეშლაში ბადალი არ გყავთ!
P.S. სამწუხაროდ, ქვეანაში არსებობს ადამიანთა ჯგუფი, რომელთათვისაც, ბედნიერების მიზეზს გარდაცვლილი ადამიანი წარმოადგენს და არა გამოჯანმრთელებულები”, – აცხადებს დავით ჩიხელიძე.