დღეს წამებით მოკლული სერგო თეთრაძის დაბადების დღეა და სიმბოლურია, რომ დღეს მოხდა მეგის ქარდავას ექსტრადირება, – ამის შესახებ საქართველოს პრემიერ-მინისტრმა ირაკლი ღარიბაშვილმა “რუსთავი 2”-ის ეთერში, გადაცემაში “ღამის კურიერი” განაცხადა.
“მეგის ქარდავა ცნობილი იყო, როგორც მიხეილ სააკაშვილის ამ ძალადობრივი ჯგუფის ერთ-ერთი მთავარი მჩაგვრელი და იმ სადისტური დავალებების შემსრულებელი. მისი ექსტრადაცია მნიშვნელოვანია. იმიტომ, რომ ყველაფერი გავაკეთეთ იმისთვის, რომ ყველა დამნაშავე, რომელიც ჩაგრავდა ჩვენ მოსახლეობას, ჩვენი ინტერესი იყო, რომ ყველა წარსდგეს მართლმსაჯულების წინაშე. სიმბოლურია რომ დღეს არის წამებით მოკლული სერგო თეთრაძის დაბადების დღე. სხვათა შორის ამ დღეს დააკავეს თეთრაძე 2010 თუ 2011 წელს. სიმბოლური დამთხვევაა. დამერწმუნეთ ამაზე არ გვიზრუნია და ბუნებრივად ასე მოხდა. ეს კიდევ მიგვანიშნებს, რომ ყველა ადამიანი, ადრე თუ გვიან წარსდგება მართლმსაჯულების წინაშე”, – თქვა პრემიერმა.