დღეს პროკურატურამ მიშას საქართველოში „ტრაილერიზაციის“ საქმეს ფარდა ახადა. გია ლორთქიფანიძის მიმართ, სააკაშვილის მიერ, საქართველოს სახელმწიფო საზღვრის უკანონო კვეთაში დახმარებისთვის – სისხლისსამართლებრივი დევნა დაიწყო, – ექსპერტი დავით ქართველიშვილი სოციალურ ქსელში ეხმიანება საქართველოს პროკურატურის მიერ გავრცელებულ ინფორმაციას, რომ მიხეილ სააკაშვილს საზღვრის უკანონო კვეთაში, შინაგან საქმეთა მინისტრის ყოფილი მოადგილე გიორგი ლორთქიფანიძე ეხმარებოდა, რომლის წინააღმდეგ სისხლის სამართლის დევნაა დაწყებული 2011 წლის 26 მაისის, რუსთაველის გამზირზე მომიტინგეების დარბევის საქმეზე.
როგორც ქართველიშვილი წერს გია ლორთქიფანიძეს უკრაინის უშიშროების სამსახურში ერთ-ერთი თანამდებობა ეკავა და არ არის გამორიცხული ახლა თანამდებობიდან გაათავისუფლონ. ამიტომ მნიშვნელოვანია, პარტნიორმა სახელმწიფომ მსგავსი დანაშაული რეაგირების გარეშე არ დატოვოს
„არა არს დაფარული, რომ არ გაცხადდეს – მესმის სააკაშვილის, რომელმაც გუშინდელ პროცესზე დასწრებას „ცუდად ყოფნა“ არჩია. დღეს პროკურატურამ მიშას საქართველოში „ტრაილერიზაციის“ საქმეს ფარდა ახადა. ჯერ კიდევ აპრილის თვეში, საქართველოს შს მინისტრის ყოფილმა მოადგილემ, გია ლორთქიფანიძემ სააკაშვილის სხეულის მის ყოფილ სამშობლოში ტრანსპორტირების დეტალები და ამ ოპერაციაში გადასახდელი თანხა შეათანხმა მძღოლ ელგუჯა ცომაიასთან. გია ლორთქიფანიძის მიმართ, სააკაშვილის მიერ, საქართველოს სახელმწიფო საზღვრის უკანონო კვეთაში დახმარებისთვის – სისხლისსამართლებრივი დევნა დაიწყო. სწორედ გია ლორთქიფანიძემ დაგეგმა სააკაშვილის საქართველოში შემოსვლა და მას შესაბამისი დახმარება გაუწია (ბრალდება მას სსკ 25,344-ე მუხლის პირველი ნაწილით წარედგინება). მიუხედავად იმისა, რომ ბოლო მომენტამდე გია ლორთქიფანიძეს უკრაინის უშიშროების სამსახურში ერთ-ერთი თანამდებობა ეკავა, ამ უწყების სააკაშვილის კლანთან ღია დაპირისპირების ფაქტორის გათვალისწინებით, არაა გამორიცხული, რომ უახლოეს დღეებში იგი გაათავისუფლონ სამსახურიდან. გარდა ამისა, სანდო წყაროს მიერ მოწოდებული ინფორმაციით, ახლო მომავალში გია ლორთქიფანიძე აპირებს უკრაინის დატოვებას და ევროპის ერთ-ერთ ქვეყანაში გადაბარგებას. მიუხედავად ამისა, ქართული მართლმსაჯულება მოწადინებულია, ეს საქმე ბოლომდე მიიყვანოს. არაა გამორიცხული, რომ უკრაინული და ქართული კანონმდებლობის დადასტურებულ დარღვევაში გია ლორთქიფანიძე ეხმარებოდა სააკაშვილს ვანო მერაბიშვილთან შეთანხმებითა და ტანდემში, რომლის ნების აღმსრულებელიც იყო და არის ბოლო წლების განმავლობაში. შესაძლოა, სწორედ ამ გარემოების გამო, სააკაშვილი განსაკუთრებით ნეგატიურად არის განწყობილი სწორედ მერაბიშვილის მიმართ. ასეა თუ ისე, ეს აღმაშფოთებელი ფაქტი უკრაინული მხარის მხრიდან სასწრაფო რეაგირებას საჭიროებს. ქართული მხარე არ შეეგუება, რომ პარტნიორმა სახელმწიფომ მსგავსი დანაშაული რეაგირების გარეშე დატოვოს – ეს არის კატეგორიულად მიუღებელი!“ – წერს ქართველიშვილი.
მიხეილ სააკაშვილის მიერ საზღვრის უკანონო კვეთაში დახმარებისთვის შს მინისტრის ყოფილი მოადგილის, გია ლორთქიფანიძის მიმართ სისხლის სამართლებრივი დევნა დაიწყო.