“შევეცადე ზელენსკისთვის თავაზიანი, მაგრამ მტკიცე გზავნილი მიმეწოდებინა, რომ ომი რაც შეიძლება სწრაფად უნდა დასრულდეს – თუმცა მან ეს სათანადოდ ვერ გაიგო”

აშშ-ის ვიცე-პრეზიდენტმა, ჯეი დი ვენსმა განაცხადა, რომ უკრაინის პრეზიდენტი, ვოლოდიმირ ზელენსკი არ მიისწრაფვის რუსეთთან ომის სწრაფად დასრულებისკენ.

ბრიტანულ გამოცემა Daily Mail-თან ინტერვიუში, აშშ-ის ვიცე-პრეზიდენტმა აღნიშნა, რომ მიუნხენში გამართული შეხვედრის დროს ის ზელენსკის ომის დაუყოვნებლივ შეწყვეტის აუცილებლობაზე ესაუბრა, თუმცა უკრაინის ლიდერმა ეს სერიოზულად არ აღიქვა.

„როდესაც მიუნხენში მასთან საუბარი მქონდა, შევეცადე თავაზიანი, მაგრამ მტკიცე გზავნილი მიმეწოდებინა, რომ ომი უნდა დასრულდეს რაც შეიძლება სწრაფად. თუმცა, მან ეს სათანადოდ ვერ გაიგო“, – განაცხადა აშშ-ის ვიცე-პრეზიდენტმა.