აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძემ და ზუგდიდის მუნიციპალიტეტის მერმა დავით კოდუამ, ზუგდიდში, ბარამიას ქუჩაზე, აფხაზეთიდან დევნილი მოსახლეობის ერთ-ერთი საცხოვრებელი კორპუსის სახურავის სარეაბილიტაციო სამუშაოები დაათვალიერეს.
ბარამიას ქუჩაზე უკვე დასრულდა აფხაზეთიდან დევნილთა ორი მრავალბინიანი კორპუსის გადახურვა, ხოლო მიმდებარე ტერიტორიაზე მოეწყო სპორტული მოედანი.
საცხოვრებელი კორპუსების რეაბილიტაცია სტიქიის სალიკვიდაციო ღონისძიებების ფარგლებში მიმდინარეობს. პროექტისათვის ბიუჯეტი „საქართველოს რეგიონებში განსახორციელებელი პროექტების ფონდის მიერ არის გამოყოფილი.
კომენტარები