აღინიშნა, რომ გრძელვადიანი მშვიდობა ვერ მიიღწევა იძულებით და მნიშვნელოვანია დიალოგი, კომუნიკაცია, ურთიერთპატივისცემა, მათ შორის ოკუპირებული რეგიონების ნაწილში, – განაცხადა ევროინტეგრაციის კომიტეტის თავმჯდომარე ლევან მახაშვილმა პრემიერ-მინისტრის გაეროს გენერალურ ასამბლეაზე გაკეთებული განცხადების შეფასებისას.
მისი თქმით, საქართველოს პრემიერ-მინისტრმა ქვეყნისთვის მნიშვნელოვან ყველა საკითხზე ყველა მნიშვნელოვანი აქცენტი დასვა.
„აღინიშნა, რა თქმა უნდა, ოკუპაციის თემა, სუვერენიტეტის თემა. პრემიერ-მინისტრმა აღნიშნა, რომ ისტორიის განმავლობაში საქართველოს სახელმწიფოებრიობა არაერთხელ დადგა გამოცდის წინაშე, მაგრამ თითოეულ შემთხვევაში ქვეყანა გამოდიოდა გამარჯვებული და გაძლიერებული. რა თქმა უნდა, ხაზი გაუსვა ოკუპაციის თემას, იმიტომ რომ ეს არის ჩვენი ერთ-ერთი მთავარი ეროვნული გამოწვევა. აღინიშნა, რომ გრძელვადიანი მშვიდობა ვერ მიიღწევა იძულებით და მნიშვნელოვანია დიალოგი, კომუნიკაცია, ურთიერთპატივისცემა, მათ შორის ოკუპირებული რეგიონების ნაწილში“, – განაცხადა მახაშვილმა.