რუსთავში, რუსთაველისა და ბათუმის ქუჩების გადაკვეთაზე, ავტოსაგზაო შემთხვევის შედეგად 9 წლის ბავშვი დაშავდა. შემთხვევა ცოტა ხნის წინ მოხდა. ერთმანეთს ,,ბე-ემ-ვე”-სა და ,,ჰონდას” მარკის მსუბუქი ავტომობილები შეეჯახნენ. ადგილზე მობილიზებული იყვნენ საპატრულო ეკიპაჟები და სასწრაფო დახმარების ბრიგადა.
დაშავებული ბავშვი ქალაქის ცენტრალურ საავადმყოფოში გადაიყვანეს. წინასწარი ინფორმაციით, მას მსუბუქი დაზიანებები აღენიშნება და ამ დროისთვის შესაბამისი გამოკვლევები უტარდება.
კომენტარები