თუშეთში ახალგაზრდა ქალი ცხენიდან გადმოვარდა და მძიმედ დაშავდა. შემთხვევა სოფელ ომალოში მოხდა.
თუშეთის გამგებლის ლადო კახოიძის თქმით, ქალმა თავის ტრავმა მიიღო და ის ვერტმფრენით თელავის საავადმყოფოში გადაიყვანეს.
„მაია გულეური საქართველოს მოქალაქეა, თუმცა ის დიდი ხანია გერმანიაში, ქალაქ მიუნხენში ცხოვრობს და ახლა თუშეთში იმყოფებოდა. შემთხვევა დღეს მოხდა. ცხენიდან გადმოვარდნის შემდეგ მან გონება დაკარგა. ოპერატიულად იქნა ვერტმფრენი გამოძახებული და მისი გადაყვანა უკვე მოხერხდა სამედიცინო დაწესებულებაში“,- აღნიშნა კახოიძემ.
დაშავებული თუშეთიდან თელავის რეფერალურ საავადმყოფოში გადაიყვანეს.
კომენტარები