წყალტუბოში მაღაზია გაქურდეს. შემთხვევა 9 აპრილის ქუჩაზე, დევნილთა დასახლებაში მოხდა. “რუსთავი2”-ის ინფორმაციით, წაღებულია სიგარეტი და 300 ლარამდე თანხა. დაზიანებულია ადგილზე დამონტაჟებული ფულის ჩასარიცხი აპარატიც.ადგილზე პოლიციაა მობილიზებული.
როგორც “რუსთავი2”-ს შინაგან საქმეთა სამინისტროში განუცხადეს, მომხდარზე სისხლის სამართლის საქმე, 177-ე მუხლით აღიძრა, რაც ქურდობას გულისხმობს.
სამართალდამცველებს ჯერჯერობით არავინ დაუკავებიათ. მიმდინარეობს საგამოძიებო მოქმედებები.
კომენტარები