ფარული ვიდეოჩანაწერების საქმეზე დაკავებული ირმა ხოროიშვილი რუსთავის მე-6 სასჯელაღსრულების დაწესებულებიდან გუშინ გათავისუფლდა.
ბრალდებულმა სასამართლოს მიერ დაკისრებული 10 ათას ლარიანი გირაო გადაიხადა.
ხოროიშვილი, რომელსაც გამოძიება ეკა ბესელიას პირადი ცხოვრების ამსახველი ფარული კადრების გავრცელებას ედავება, საკუთარ დასთან ერთად დააკავეს. ორივე მათგანი პედაგოგია, პარალელურად კი „ნაციონალური მოძრაობის“ მხარდამჭერები არიან.
ხოროიშვილი აცხადებს, რომ მისი დაკავება სწორედ პოლიტიკური ნიშნით მოხდა.
„ვიღაც „ფეისბუქ მეგობარმა გამომიგზავნა. არც კი ვიცნობ… საარჩევნო პროცესში ვიყავი ჩართული, განსაკუთრებით საუბნო-საარჩევნო კომისიებში და ასევე არჩევნების დღეს. ვასაჯაროებდი ნებისმიერ დარღვევას არჩევნებამდე, როგორც საოლქო საარჩევნო კომისიაში და არჩევნების შემდეგაც. დაზუსტებით ვერ ვიტყვი მაგრამ, რა თქმა უნდა ეჭვები მაქვს,“-განაცხადა ბრალდებულმა ირმა ხოროიშვილმა.
ფარული კადრების საქმეზე დაკავებული რვა პირიდან შვიდს აღკვეთის ღონისძიების სახით გირაო შეეფარდა, ერთს კი პატიმრობა.