ბათუმის საქალაქო სასამართლომ 8 წლის ბავშვის მიმართ გარყვნილ ქმედებაში 28 წლის ბრალდებულ მამაკაცს პატიმრობა შეუფარდა. პროცესი დღეს მოსამართლე გიორგი გრატიაშვილის გადაწყვეტილებით დაიხურა.
ბრალდებულს გამოძიება არასრულწლოვნის მიმართ გარყვნილ ქმედებას ედავება. საქმეში ჩართულია სოციალური სააგენტო, ასევე, ფსიქოლოგი და სახალხო დამცველის აპარატი.
ბრალდებული უკრაინის მოქალაქეა. იგი სამუშაოდ აჭარაში რამდენიმე წლის წინ ჩავიდა. გარყვნილი ქმედების შესახებ სამართალდამცველებს 8 წლის გოგონას დედამ აცნობა.
კომენტარები