ეს არის ქვეყნისა და ამომრჩევლის შეურაცხყოფა, როდესაც საკანონმდებლო ორგანოს ასე მოიხსენიებენ, – ამის შესახებ, პარტია „ქართული ოცნების“ აღმასრულებელმა მდივანმა, მამუკა მდინარაძემ „ქრონიკას“ განუცხადა.
იგი სავარაუდო ფარულ ჩანაწერებზე საპარლამენტო სხდომის ჩატარების საკითხს გამოეხმაურა.
„საკანონმდებლო ორგანოს ამგვარი შეურაცხყოფა არის მხოლოდ და მხოლოდ რადიკალური ოპოზიციისა და მათი ე.წ. ლიდერების ნარატივი. ეს არის ქვეყნისა და ამომრჩევლის შეურაცხყოფა, როდესაც საკანონმდებლო ორგანოს ასე მოიხსენიებენ. არავის სჭირდება, არეულობა, ქაოსი, ძალადობა, ბოროტება და ნაცები. ხალხს სჭირდება განვითარება“, – განაცხადა მდინარაძემ.
გავრცელებული ჩანაწერების საკითხთან დაკავშირებით, რიგგარეშე სხდომის ჩატარების ინიციატივა „ლელოს“ ეკუთვნის. ფრაქციაში, ამ მიზნით, ხელმოწერებს აგროვებენ. „ნაციონალური მოძრაობა“ ამბობს, რომ არჩევნებამდე, რიგგარეშე სხდომისთვის არ სცალიათ. პარლამენტის თავმჯდომარემ, კახა კუჭავამ დღეს თქვა, რომ არჩევნების შემდეგ, ამ საკითხზე, სხდომა აუცილებლად ჩაინიშნება.