დიდი ოდენობით ნარკოტიკული ნივთიერების შეძენა-შენახვის ბრალდებით დაკავებული მიხეილ თათარიშვილი სასამართლომ პატიმრობაში დატოვა. პრეზიდენტის სიძის მინდია გოგოჭურის თქმით, რიკოთის უღელტეხილზე დაკავების პროცესში მიხეილ თათარიშვილთან ერთად იმყოფებოდა, რა დროსაც, რამდენიმე პირმა მათ ფიზიკური შეურაცხყოფა მიაყენა.
„ვიყავით სასადილოში. 20 კაცი შემოგვივარდა. ყაჩაღებივით შემოგვივარდნენ. არც საბუთი წარმოადგინეს, არც არაფერი. ზუსტად ასე დაგვაკავეს ივნისში, მე , თორნიკე კაჭარავა და მიხეილ თათარიშვილი, დიდუბეში. უკვე მაგის მერე ვიცოდი, რომ შსს ჩვენზე გაღიზიანებული იყო. სულ ისეთი სიტუაცია იყო, რომ ხმები მოგვდიოდა, რომ ნარკოტიკის ჩადებას აპირებდნენ. ალბათ, მე ვერ გამიბედეს და ჩემს გასამწარებლად მიხეილ თათარიშვილს ჩაუდეს“,- განაცხადა მინდია გოგოჭურმა.
კომენტარები