გაერთიანებული ერების ორგანიზაციის ახლადარჩეული გენერალური მდივანი ანტონიო გუტიერეში აცხადებს, რომ ამ თანამდებობაზე მისი მუშაობის პრიორიტეტი სირიაში შეიარაღებული კონფლიქტის დასრულება იქნება. ამის შესახებ „ბი-ბი-სი“ იუწყება.
„ჩემი მოსაზრებით, საერთაშორისო საზოგადოებისთვის ამ კონფლიქტის დასრულება მთავარი პრიორიტეტია“, – განაცხადა გუტიერეშმა.
ანტონიო გუტიერეში გაერო-ს გენერალური მდივნის უფლებამოსილების შესრულებას ოფიციალურად 2017 წლის 1 იანვრიდან დაიწყებს. 67 წლის გუტიერეში 1995-2002 წლებში პორტუგალიის პრემიერ-მინისტრის პოსტს იკავებდა, 2005-2015 წლებში კი იყო გაერო-ს უმაღლესი კომისარი ლტოლვილთა საკითხებში.
კომენტარები