პოლიტიკური უმცირესობის ძალადობრივი აქცია გრძელდება, რეალურად, მათი მიზანი არ არის აზრის მშვიდობიანად გამოხატვა, არამედ მათი მიზანია, მეტი პროვოკაცია, რომ რაც შეიძლება მეტი ადამიანი დაზიანდეს, – ამის შესახებ საპარლამენტო უმრავლესობის ლიდერმა, რატი იონათამიშვილმა განაცხადა.
„პოლიტიკური უმცირესობის ძალადობრივი აქცია გრძელდება და ჩვენ ვნახეთ ძალიან მძიმე, უხეში პროვოკაცია ამ ადამიანების მხრიდან, როდესაც ისინი პირდაპირ ეძებდნენ იმას, რომ ძალადობის განვითარება ჰქონოდა აქციას. აქედანაც ჩანს, რომ რეალურად, მათი მიზანი არ არის მშვიდობიანად გამოხატვა აზრის, რაც დაცულია ჩვენ ქვეყანაში, არამედ მათი მიზანი არის, რაც შეიძლება, მეტი პროვოკაცია იყოს, რაც შეიძლება მეტი ადამიანი დაზიანდეს და მერე ამაზე იყვირონ, შექმნან იმის ილუზია, რომ თითქოს ჩვენ ქვეყანაში რაღაც ხდება. ეს ადამიანები მტრობენ ჩვენს ქვეყანაში მშვიდობას, სტაბილურობას, რასაც ჩვენი საზოგადოება ხედავს“, -განაცხადა რატი იონათამიშვილმა.