გერმანიის მოსახლეობა მზად უნდა იყოს იმისთვის, რომ რადიკალი ჯიჰადისტების მიერ ორგანიზებული თავდასხმები ქვეყანაში გაგრძელდება. ამის შესახებ გერმანიის შინაგან საქმეთა მინისტრმა ტომას დე მეზიერმა განაცხადა.
მისი თქმით, ეს შეიძლება იყვნენ ჯიჰადისტთა ჯგუფები, ან დამოუკიდებლად მოქმედი პირები.
შეგახსენებთ, რომ 18 ივლისს დანით და ცულით შეიარაღებული 17 წლის მოზარდი ბავარიის მხარეში მატარებლის მგზავრებს თავს დაესხა. ოთხი ადამინაი დაიჭრა, მათ შორის ორი – მძიმედ. თავდამსხმელი პოლიციამ მოკლა. მოგვიანებით პოლიციამ ვიდეო აღმოაჩინა, სადაც ახალგაზრდა მამაკაცი ამბობს, რომ ის „ისლამური სახელმწიფოს“ მებრძოლია.
კომენტარები