რუსეთის აგრესიის შედეგად უკრაინის ენერგეტიკული ინფრასტრუქტურის ნახევარი დაზიანებულია. ამის შესახებ Foreign Policy-სთან ინტერვიუში უკრაინის საგარეო საქმეთა მინისტრმა, დმიტრო კულებამ განაცხადა.
„ამერიკული დახმარების გამოყოფამ დადებითად იმოქმედა უკრაინელი ჯარისკაცების საბრძოლო განწყობაზე. თუ ამ პაკეტში Patriot-ის ბატარეაც იქნებოდა, საბრძოლო განწყობა კიდევ უფრო მეტად ამაღლდებოდა, იმიტომ რომ უკრაინელებს ყველაზე დიდ ზიანს რუსეთის სარაკეტო იერიშები აყენებს“, – განაცხადა კულებამ.
მისივე თქმით, ბოლო დროს რუსეთი რაკეტებს ძირითადად ენერგოსისტემის გასანადგურებლად იყენებს.
„ასეთი მასშტაბური ზიანი სხვა ქვეყნის ენერგოინფრასტრუქტურას რომ მიეღო, ვითარება გაცილებით უფრო რთული იქნებოდა. ჩვენ ვუძლებთ, იმიტომ რომ ბევრი რამ გვაქვს ნასწავლი. თუმცა, გასაგები რომ იყოს, ჩვენი ენერგოსისტემის ნახევარი დაზიანებულია, ჩვენ კიდევ პარალელურად უნდა ვმართოთ ქვეყანა, ვიბრძოლოთ ომში და ვეძებოთ დახმარება მსოფლიოში“, – აღნიშნა კულებამ.