რუსეთი უკრაინის აღმოსავლეთ ნაწილში, საბრძოლო მოქმედებების გასააქტიურებლად ემზადება – ამის შესახებ ინფორმაციას „ომის კვლევის ამერიკული ინსტიტუტი“ ავრცელებს.
ფრონტის ხაზზე ვითარების გაანალიზების შემდეგ ინსტიტუტის ანალიტიკოსები განმარტავენ, რომ მოსალოდნელია რუსეთმა თავისი საჰაერო სადესანტო ძალები ზაპოროჟიედან უკრაინის აღმოსავლეთ ნაწილში გადაისროლოს.
ანგარიშში აღნიშნული არ არის, კონკრეტულად რომელ ტერიტორიაზეა მოსალოდნელი რუსული ძალების გადასროლა, თუმცა ნათქვამია, რომ ამ შემთხვევაში, საოკუპაციო ძალების შეტევები უფრო ინტენსიური გახდება.
რუსული აგრესიის ფონზე კიევი უსაფრთხოების მხრივ თანამშრომლობას ამყარებს, ვოლოდიმირ ზელენსკის ცნობით, უკრაინამ უსაფრთხოების სფეროში ორმხრივი თანამშრომლობის შესახებ შეთანხმება შვიდ ქვეყანასთან, მათ შორის შეერთებულ შტატებთან გააფორმა.