ცნობილი ამერიკელი მსახიობი ველ კილმერი 65 წლის ასაკში გარდაიცვალა. როგორც კილმერის ოჯახმა განაცხადა, ის პნევმონიის შედეგად გარდაიცვალა.
მსახიობს 2014 წელს ყელის კიბოს დიაგნოზი დაუსვეს, რისგანაც მოგვიანებით განიკურნა, თუმცა ტრაქეოტომიამ მას ხმის იოგები დაუზიანა, რის გამოც კილმერს მსახიობის კარიერის დასრულება მოუწია. ამის მიუხედავად, ის 2022 წელს ტომ კრუზთან ერთად კვლავ გამოჩნდა ფილმში „საუკეთესო მსროლელი: მევერიკი“.
ველ კილმერი ცნობილია 1980-1990-იან წლებში მის მიერ შესრულებული არაერთი როლით. მათ შორის, მან განასახიერა ლეგენდარული მუსიკოსი ჯიმ მორისონი „დორსში“, პარტნიორობა გაუწია რობერტ დე ნიროსა და ალ პაჩინოს ფილმში „შერკინება“, ითამაშა მაიკლ კიტონთან ერთად ფილმში „ბეტმენი სამუდამოდ“. საერთო ჯამში, მის ფილმოგრაფიაში 100-ზე მეტი შესრულებული როლია.