იმედს გამოვთქვამთ, რომ გელათის კომიტეტი თავის სამეცნიერო-საეკლესიო და სამთავრობო მხარდაჭერით მალე მივა ხელშესახებ შედეგამდე და ეს შედეგი იქნება გადარჩენილი გელათი, – ამის შესახებ საქართველოს კულტურის მინისტრმა თინათინ რუხაძემ განაცხადა.
“მნიშვნელოვანია გელათის მიმართულებით იუნესკოს ფაქტორი და ჩვენ გავითვალისწინებთ, ჩვენ უკვე ვართ იმ ურთიერთთანამშრომლობაში და მთავარია, რომ გელათი გადარჩეს. სამომავლოდ ამ მეთოდოლოგიამ მოგვცეს ბევრი კარგი პრეცედენტის საფუძველი. იმედს გამოვთქვამთ, რომ გელათის კომიტეტი თავის სამეცნიერო-საეკლესიო და სამთავრობო მხარდაჭერით მალე მივა ხელშესახებ შედეგამდე და ეს შედეგი იქნება გადარჩენილი გელათი, ჩვენი მომავალი თაობებისთვის, ღირსებისთვის, იდენტობისთვის და ყველა იმ ფასეულობისთვის, რაც ამართლებს ჩვენი, როგორც ერთ-ერთი უძველესი ერის, კულტურის არსებობას,” – განაცხადა თინათინ რუხაძემ.