„პირველ რიგში გამიკვირდა, რადგან გულახდილად რომ გითხრათ, 80%-ით დაცარიელებული იყო პარლამენტი. თუ ვიდეოკადრებს მიადევნებთ თვალს, მხოლოდ რამდენიმე მხარდამჭერი წევრი იყო იქ წარმოდგენილი. თუმცაღა მას ახალი არაფერი უთქვამს. თქვა, რომ არჩევნები გაყალბდა. რომ არ იყო მაგალითად საარჩევნო უბანი სტრასბურგში. მე არ ვფიქრობ, რომ 10 ან 20 კაცით მეტი თუ მისცემდა სტრასბურგში ხმას, ეს შედეგებს შეცვლიდა. მან განაცხადა, რომ უნდა დარჩეს თავის ადგილას. ეს არ არის გასაკვირი, მას ევროკავშირის მხარდაჭერა გააჩნია, რომ დარჩეს და შეცვალოს უმრავლესობის საკითხი საქართველოში!“, – განაცხადა ევროპარლამენტარმა ტიერი მარიანიმ გადაცემაში „იმედი LIVE“ სალომე ზურაბიშვილის ევროპარლამენტში გამოსვლასთან დაკავშირებით.
მისი თქმით, სალომე ზურაბიშვილის გამოსვლა ნახევრად ცარიელ დარბაზში იყო არაფრისმომცემი, რადგან მან მხოლოდ ისაუბრა იმაზე, რომ სტრასბურგში არ იყო საარჩევნო უბანი გახსნილი.
„ძალზე ნათელია, რომ გადაწყვეტილება, ევროპის პარლამენტში ჩასვლა ბოლო წუთში, ეს არის ნათელი ჩარევა ევროკავშირის მხრიდან, როდესაც მივიღეთ თქვენი პრეზიდენტი. ვიცით, რომ 12 დღეში პრეზიდენტი აღარ იქნება და თქვენც კარგად იცით, რომ სურს დარჩეს თავის პოსტზე. რა მიზანი ჰქონდა ვიზიტს? ეს იყო დახმარების მიღება ევროპული პარლამენტიდან, დიდი მხარდაჭერის. მაგრამ შეხედეთ სურათს – ძალიან საშუალო დონის მხარდაჭერა მიიღო. და მე თუ მინდა ვიბრძოლო დემოკრატიისთვის საქართველოში, ვფიქრობ, რომ არ ხარ მაინცდამაინც კარგ პირობებში ამისთვის. მე შემიძლია 8 საათზეც გავიღვიძო, მაგრამ პარლამენტის წევრების დიდი ნაწილი არ იყო წარმოდგენილი და ნამდვილად იყო ძალიან ბევრი ადამიანისთვის იმედგამაცრუებელი. ის განცხადება, რომ არჩევნები მოიპარეს, თავიდან უნდა მოგვცეთ ხმა, ამის მტკიცებულება არ წარმოადგინა. ეს საკმარისი არ არის, რომ ვიძახოთ ასე, რომ თავიდან უნდა მივცეთ ხმა. სჭირდება ამას მტკიცებულება. არაფერი უთქვამს. ერთი რაღაც თქვა, რომ როგორც წესი უნდა იყოს საარჩევნო უბანი სტრასბურგში მცხოვრები ქართველებისთვისო. მაგრამ ეს სერიოზული არ არის, რადგან რაიმე შეიცვლებოდა, რომ ყოფილიყო საარჩევნო უბანი ამ ქალაქში?
ჩემი აზრი გახლავთ ის, რომ ეს არის მისი ბოლო ქმედება პრეზიდენტის რანგში, რომელმაც იცის, რომ არჩევნები წაგებული აქვს და ცდილობს მოეჭიდოს ხელისუფლებას. და ჯობია დაეხმაროს თავის ქვეყანას, რათა დემოკრატიას პატივი სცეს“, – აღნიშნა ტიერი მარიანიმ.