“კრემლის ადმინისტრაციის წარმომადგენელმა და რუსეთის პრეზიდენტის თამაშემწემ ვლადისლავ სურკოვმა აფხაზეთსა და სამხრეთ ოსეთში ახალი კურატორი დანიშნა. ამის შესახებ ცნობას რუსული საინფორმაციო სააგენტო “ერბეკა” საკუთარ წყაროზე დაყრდნობით ავრცელებს. სააგენტოს სტატიაში ასევე ნათქვამია, რომ ძველ კურატორს ივან ბოლტენკოვს გარკვეული “ჩავარდნები” ჰქონდა, რის გამოც ის შეიცვალა. ახალი კურატორი კი თათრეთის პრეზიდენტის რუსტამ მინიხანოვის გუნდის წარმომადგენელი და გამოცდილი მენეჯერი რუსლან ტემირბულატოვია. რუსული მედიის ცნობთ, ტემირბულატოვი აქტიურ და ენერგიულ მუშაკად ითვლება. ამ ინფორმაციას “ერბეკას” საკუთარი წყარო უდასტურებს და იმასაც ამბობს, რომ ახალ კურატორი აფხაზეთის დე ფაქტო პრეზიდენტს რაულ ხაჯიმბასაც უკვე შეხვდა. ემურბულატოვი პროფესიით ეკონომისტია, მუშაობდა მაღალ თანამდებობეზე, ბოლოს კი ყაზახეთში თათრეთის წარმომადგენლის პოსტს იკავებდა”, – წერს გაზეთი “რეზონანსი” სტატიაში სათაურით კრემლმა აფხაზეთსა და ცხინვალის რეგიონს ახალი კურატორი დაუნიშნა / რუსული მედიის ვარაუდით, წელს აფხაზეთის “საპარლამენტო” და სამხრეთ ოსეთის “საპრეზიდენტო” “არჩევნებისათვის” მოსკოვში განსაკუთრებულად ემზადებიან.
“აღსანიშნავია, რომ ეს გაზაფხული ორივე სეპარატისტულ რეგიონში დაძაბული იქნება და კურატორის შეცვლა შესაძლოა სწორედ ამას უკავშირდებობეს. მარტში აფხაზეთში “საპარლამენტო არჩევნები”, აპრილში ცხინვალში კი – საპრეზიდენტო. კონფლიქტოლოგ მამუკა არეშიძის თქმით, ტემირბულატოვი ამ თანამდებობაზე მაღალი დონის მენეჯერული თვისებების გამო გადაიყვანეს. აფხაზეთის დე ფაქტო პრეზიდენტ ხაჯიმბასთან ახალი კურატორის შეხვედრა პირველ რიგში გაცნობითი ხასიათი იყო. არეშიძის ინფორმაციით, მთავარი საკითხი, რაც ახლა აფხაზეთში აღელვებთ, ესაა რუსეთიდან თანხების გადმორიცხვის დინამიკა, რომელიც მუდმივად ფერხდება. ამიტომ დე ფაქტო პრეზიდენტსა და ახალ კურატორს შორის საუბარი ამ საკითხზეც შედგა”, – აღნიშნავს გამოცემა.
“ჯერ კიდევ 2016 წელს აფხაზეთში 7 მილიარდი უნდა გადარიცხულიყო, რომელიც ბოლომდე ჯერ კიდევ არაა გადარიცხული. ახალი თანხა კი, რომელიც 10 მილიარდ რუბლს აღწევს, არავინ იცის როდის გადაირიცხება. ხაჯიმბასა და ახალ კურატორს შორის პირველ რიგში ამაზე იყო საუბარი. რამდენადაც ჩემთვის ცნობილია, მათ აგრთვე ისაუბრეს იმ საფრთხეებზე, რაც შიდა პოლიტიკას ემუქრება, რაც ნატოს შავ ზღვაზე აქტიურობას უკავშირდება… ტემირბულატოვის დანიშვნა საქართველოსთან მიმართებაში არაფერს შეცვლის. საქმე ისაა, რომ ტემურბილატოვი იქნება ეს თუ სხვა ნებისმიერი, ის ჩვეულებრივი ჩინოვნიკია, რომელმაც ამ რეგიონში კრემლის დავალება უნდა შეასრულოს. ეს გახლავთ მოსკოვის დავალება. რაც შეეხება აფხაზური მხარის ინტერესებს, ეს უნდა იყოს ადამიანი, რომელიც, ასე ვთქვათ, აფხაზეთის სატკივარს გულთან ახლოს მიიტანს და გადმორიცხვების ციკლს მოაწესრიგებს. სხვა ფუნქცია ამ ადამიანს, რაც არ უნდა გენიოსი იყოს, არ აკისრია“, – აცხადებს გამოცემასთან საუბრისას მამუკა არეშიძე.
“სხვათა შორის, 2010 წლიდან მოყოლებული აფხაზეთში კურატორები ძალიან მაღალი სიჩქარით იცვლებიან. ჩემი შეხედულებით, კრემლი მათ ადანაშაულებს იმაში, რომ ისინი აფხაზეთში რუსული ინტერესების დაცვას ვერ ახერხებენ. გარდა ამისა, ვერ იცავენ იმ თანხებს, რომელიც მოსკოვიდან ირიცხება. ყოველ შემთხვევაში რუსულ მედიაში გაკვრით ასე ისმოდა, რუსული ინტერესების ვერ დაცვა და განსაკუთრებით აფხაზეთში ნიშნავს იმას, რომ პრინციპში რუსებმა ვერაფრით მოახერხეს ზოგიერთი იმ გადაწყვეტილების იძულება აფხაზეთის ხელისუფლებისთვის, რაც რუსეთისთვის სტრატეგიულად მნიშვნელოვანია. ეს არის მიწების საკითხი, კოდორის ხეობაში გამავალი გზის საკითხი და სხვა. ვფიქრობ ახალი კურატორის არჩევისას ყურადღება მის მენეჯერულ თვისებებს მიაქციეს, ასევე ორგანიზაციულ ნიჭს” , – განაგრძობს რესპონდენტი.
“როგორც მას კოლეგები ახასიათებენ, ეს გახლავთ ადამიანი, რომელიც საკუთარი მიზნის მისაღწევად ან დავალების შესასრულებლად უკან არაფერზე იხევს. კიდევ ერთი ძალიან მნიშვნელოვანი დეტალია – ითვლება, რომ ტემირბულატოვი კორუფციაში მონაწილეობას არ მიიღებს. საქმე ისაა, რომ მისი წინამორბედები, როგორც ასევე ყრუდ ისმის, ხშირ შემთხვევაში აფხაზეთის ზოგიერთი მმართველი ხელისუფალის მხრიდან გამოყოფილ საჩუქრებზე თავს ვერ იკავებდნენ და კორუფციაში იყვნენ ჩართულნი”, – დასძენს კონფლიქტოლოგი.